तरकारीको ट्रकबाट दुई हजार एक सय गाँजा र ट्रक बरामद

इनरुवा । पूर्वी पहाडि जिल्ला धनकुटाबाट तरकारी बोकेर सुनसरीको कृषि थोक बजारतर्फ आउँदै गरेको एक ट्रकबाट दुई क्वीन्टलभन्दा बढी गाँजा बरामद भएको छ ।
धरान उपमहानगरपालिका–१३ स्थित शिवधाराकोशी लोकमार्गबाट सशस्त्र प्रहरीले तरकारीको ट्रमा शंका लागि चेक गर्दा दुई हजार १३० केजी गाँजा बरामद गरेको छ ।
सोमबार बिहान भेडेटारबाट धरानतर्फ आउँदै गरेको प्रदेश १–०२–००२ ख ०८४८ नंको ट्रकलाई रोकेर चेकजाँच गर्ने क्रममा ट्रकबाट बोरामा प्याक गरिएको ७० बोरा गाँजा र ३१ बोरा अदुवा सशस्त्र प्रहरी बल नेपाल सुरक्षा बेस धरानले बरामद गरेको सशस्त्र प्रहरी बल नेपाल नं १ बराह वाहिनी मुख्यालय सुनसरीका प्रवक्ता सुधिरजङ्ग थापाले जानकारी दिए ।
ट्रकका चालक र गाँजा ल्याउने व्यक्ति भने फरार रहेकाले खोजी कार्य जारी रहेको प्रवक्ता थापाले बताउनुभयो । बरामद गाँजा, अदुवा र ट्रकलाई आवश्यक अनुसन्धान र कारबाहीका लागि जिल्ला प्रहरी कार्यालय सुनसरी पठाइएको प्रहरीले जनाएको छ ।